मधेशवादी दलका नेताहरूले ‘मधेशवाद’ का प्रवर्द्धक स्व.गजेन्द्रनारायण सिंहलाई उनको २४ औं स्मृति दिवसमा स्मरण गरेका छन् । गजेन्द्रनारायण सिंह अध्ययन केन्द्रले उनको स्मृति दिवसमा बिहीबार आयोजना गरेको कार्यक्रममा नेताहरूले दूरदर्शी र परिवर्तन चाहने नेताका रूपमा स्मरण गरेका छन् ।
गजेन्द्र नारायण सिंह अध्ययन केन्द्रद्वारा आज गजेन्द्र बाबुको २४औं पुण्यतिथिको अवसरमा काठमाडौं लगायत मधेशको विभिन्न जिल्लाहरुमा “गजेन्द्र बाबुको चिन्तन र मधेशको भावी कार्यदिशा” विषयक विचार विमर्श कार्यक्रम आयोजना गरिएको छ।
काठमाडौंको कृष्णभोग पार्टी प्यालेश, नयाँ बानेश्वरमा आयोजित कार्यक्रममा राष्ट्रिय मुक्ति पार्टी नेपालका अध्यक्ष श्री राजेन्द्र महतो, जसपा नेपालका अध्यक्ष मा. उपेन्द्र यादव, जसपाका सहअध्यक्ष श्री रेणु यादव, जसपाका नेता तथा महिला, बालबालिका तथा ज्येष्ठ नागरिक मन्त्री मा. नवल किशोर साह, जनमत पार्टीका अध्यक्ष डा. सि के राउत, जनता प्रगतिशील पार्टीका अध्यक्ष श्री हृदयेश त्रिपाठी, तमलोपाका अध्यक्ष श्री वृषेश चन्द्र लाल, संघीय सामाजवादी पार्टीका महासचिव श्री अनन्त राई,नागरिक पहिलोका नेता प्रशान्त सिंह, प्राध्यापक डा. विनय मिश्र, मधेशी पत्रकार समाजका अध्यक्ष श्री मोहन सिंह, अभियानी रिता साह, हिमालिनीका प्रधान सम्पादक सचितानन्द मिश्र, मधेशवाणीका सम्पादक श्री राम सुकुल मण्डल, अभियानी कंचना झा, मा. राजकिशोर यादव, मा. मनिष सुमन, डा. शिवजी यादव, श्री रामकुमार शर्मा, डा. शरद सिंह यादव,श्री शैल कुमारी देवि, श्री कमला कुमारी गुरुङ, श्री सन्तोष मेहता, श्री बुद्ध छिरिङ मोक्तान , श्री सुमन सायमी, श्री जुनतारा पुन मगर, श्री विमला लामा, श्री संजय कुमार, श्री संजय यादव, श्री अनन्त अनुराग, श्री राजिव देव, श्री पंकज देव, श्री ब्रजकिशोर सिंह, श्री वि. पी. साह, श्री हेम शंकर सिंह, श्री आभाष गुरु, श्री दिपक गुप्ता, श्री सि. एन. चौधरी, श्री निमेश कर्ण, श्री सुरेश यादव, श्री सुभास साह, श्री राजेश मिश्र, श्री पंकज मिश्र, श्री राजेश राय, श्री दिपेन पन्त, श्री दिल बहादुर निशानी, श्री किशोर गुरु, श्री दिपेश दनुवार, श्री संयोग देव लगायतका व्यक्तित्वहरुको उपस्थिति रहयो।
नेपाल सदभावना पार्टीमा सिंहसँग लामो समय व्यतित गरेका नेता राजेन्द्र महतोले सिंहले दिएको विचार अहिले पनि उत्तिकै सान्दर्भिक रहेको बताए । ‘जतिबेला मधेशीले पनि आफूलाई मधेशी भन्न हिच्किचाउँथे, त्यतिबेला मधेशमा मधेशवादको प्रवेश गराउन सजिलो थिएन,’ उनले भने, ‘काठमाडौंले त स्विकारेकै थिएन । मधेशमा पनि गाह्रो थियो । त्यस्तो प्रतिकूल स्थितिमा गजेन्द्रबाबुले मधेशवादको विचारलाई स्थापित गर्नुभयो ।’
कार्यक्रममा बोल्ने सम्पुर्ण नेताहरुले गजेन्द्र बाबुले विकट परिस्थितिमा गरेको अधिकार पहिचानको आन्दोलनको मुक्त कण्ठले प्रशंसा गरे। साथै सबै मधेशवादी पार्टीहरुले पुन: सहकार्य गर्नुपर्ने र आदिवासी जनजाति लगायत उत्पीडित अन्य जाति र समुदायसंग समेत सहकार्य गर्नुपर्ने बताए। कार्यक्रमको संचालन श्री केशव झाले गरेका थिए भने अध्यक्षता श्री अनिलकुमार महासेठले गरेका थिए।
