थाइ एयर एशियाले भैरहवामा दोस्रो उडान गरेको हो। दिउसो १ बजे गौतमबुद्ध अन्तर्राष्ट्रिय विमानस्थलमा अवतरण गरेको जहाजमा ७ यात्रु थाइल्याण्डबाट आएका थिए। भैरहवाबाट ३२ यात्रु बैंकक प्रस्थान गरेको विमानस्थलका प्रवक्ता दिपक बज्रचार्यले जानकारी दिए।
यस अघि एयर एशियाले कात्तिक १८ गते आइतबार उडान गरेको थियो। त्यस बेला जहाजमा चालक दलका सदस्य मात्र थिए।
अब भने एयर थाइ एशियाले प्रत्येक सोमबार र शुक्रबार उडान गर्ने तालिका छ।
