काठमाडौँको नागढुंगामा प्रहरी जवानलाई कुट्ने र कुटाइ खाने खाने दुवै प्रहरीलाई जिम्मेवारीबाट हटाइएको छ।
केही समयअघि थानकोट नाकामा खटिएका ट्राफिक प्रहरीका एक निरीक्षकले थानकोट बृत्तका एक जवानलाई कुटेको भिडियो सामाजिक सञ्जालमा भाइरल भएको थियो।
प्रहरी अधिकारीहरूका अमानवीय भिडियोहरू एकपछि अर्को सार्वजनिक भइरहँदा प्रहरी अधिकारीले नै प्रहरी जवानलाई पिटेको भिडियो सार्वजनिक भएको थियो।
ती प्रहरी निरीक्षकले उक्त प्रहरी जवानले घुस खाएको भेटेपछि पिटेको स्पष्टीकरण आफ्ना सिनियरहरूलाई दिएका थिए।
भिडिओ सार्वजनिक भएपछि काठमाडौँ उपत्यका प्रहरी कार्यालय रानीपोखरीले छानविन सुरु गरिएको जनाएको छ।
