राजेन्द्र महतो नेतृत्वको राष्ट्रिय मुक्ति पार्टी नेपालको केन्द्रीय समितिको विस्तारित बैठक दुई दिनदेखि काठमाडौँमा जारी छ । हिजोदेखि सुरु भएको बैठकमा पार्टीका अध्यक्ष राजेन्द्र महतोले आफ्नो आफ्नो राजनीतिक प्रतिवेदन प्रस्तुत गरेका थिए । राजनीतिक प्रतिवेदनमाथि छलफल चलिरहेको छ । पार्टीका केन्द्रीय सदस्यहरूले आआफ्नो सुझाव दिइरहेका छन् ।
त्यस्तै, पार्टी दर्ताको समयमा पार्टीको छाप ग्यास सिलिन्डर थियो, तीर धनुष राख्ने सम्बन्धमा पनि छलफल हुने बताइएको छ । पार्टीको चुनाव चिन्ह रिजर्भ गर्नका निर्वाचन आयोगमा निवेदन दिने सम्बन्धमा पनि छलफल हुने राष्ट्रिय मुक्ति पार्टी नेपालले जनाएको छ ।
पार्टीका नेताहरूले आफ्नो सम्पत्ति विवरण बुझाउने सम्बन्धमा पनि पार्टीले छलफल गर्ने बैठकको एजेन्डा रहेको छ । पार्टीको केन्द्रीय कोष स्थापनाको बारेमा पनि छलफल हुने बताइएको छ । सङ्गठन विस्तार, अभियान तथा प्रशिक्षण कार्यक्रम सञ्चालन गर्नुको साथै केन्द्रीय पदाधिकारी तथा सदस्यहरूको व्यक्तिगत विवरण सङ्कलन सम्बन्धमा पनि छलफल हुने बताइएको छ ।
