रामजी यादव १८ माघ पर्सा#
पूर्व प्रहरी कर्मचारी परिषद् नेपाल जिल्ला कार्यसमिति पर्साको आयोजनामा पूर्व प्रहरी परिषद सदस्यहरुसंगको भेटघाट तथा अन्तरक्रिया कार्यक्रम बीरगंजमा सम्पन्न भएको छ।जिल्ला प्रहरी कार्यालय पर्साका प्रहरी प्रमुख तथा प्रहरी उपरीक्षक गौतम मिश्रको प्रमुख आतिथ्यतामा सो कार्यक्रम सम्पन्न भएको हो। पूर्व प्रहरी परिषद सदस्यहरुसंगको भेटघाट कार्यक्रममा जनता समाजबादी पार्टी नेपालका केन्द्रिय सदस्य शशीकपुर मियाले बर्तमान नेपाल प्रहरी र भु.पु. प्रहरी बिच बिभेद हुदै आएको र एकआपसमा आकर्षण,मेलमिलाप र ब्यवहारमा कमी हदै आएको प्रष्ट पार्नु भयो। जिल्ला प्रहरी कार्यालय पर्साका प्रमुख गौतम मिश्रको कार्यकालमा पर्सा जिल्लाको गाउ टोल सम्मका जनताहरु शान्ति सुरक्षाको अनुभूति गर्न सक्ने अपेक्षा रहेको नेता शशीकपुर मियाले जानकारी दिए।
भू.पु. प्रहरीले नेपाल सरकारबाट रिटायर भएर पेंशन पाउदैमा पनि नेपाल सरकारको राष्ट्र सेवकको रुपमा रहेको र केही गर्ने सोच भएको कुरामा जोडदिनुभयो। पूर्व प्रहरी परिषद् सदस्यहरुको भेटघाट तथा अन्तरक्रिया कार्यक्रममा बोल्दै बिशिष्ट अतिथी मधेश प्रदेश भु.पू प्रहरी नायब निरीक्षक बिरेन्द्र यादवले जिल्ला प्रहरी कार्यालय पर्साका प्रमुख तथा प्रहरी उपरीक्षक गौतम मिश्रलाई एक पटक भन्न बितिकै कार्यक्रम स्थलमा आफै आउछु भन्दैमा धेरै खुशी महसुस भएको बिभिन्न बक्ताहरुले बताउनुभएको।
पूर्व प्रहरी परिषद सदस्यहरुसंगको भेटघाट तथा अन्तरक्रिया कार्यक्रमका प्रमुख अतिथि तथा पर्सा प्रहरी प्रमुख गौतम मिश्रले पर्सा बिगतमा प्रहरी निरिक्षकको रुपमा कार्य गरेको अनुभव भएको जिल्ला भएकोले काम गर्न सहज र सजिलो हुने र भु.पू. प्रहरी र बर्तमान नेपाल प्रहरी बिचको सम्बन्ध माया स्नेह र ब्यवहारमा कहिले कमी महसुस नहुने प्रहरी प्रमुख मिश्रले बताउनु भयो।पूर्व प्रहरी निरिक्षक ललन राउत कुर्मीको अध्यक्षतामा भएको कार्यक्रममा उपाध्यक्ष प्रमोद कुर्मी,गजेन्द्र सिहं,सचिव जनार्दन मिश्र, कोषाध्यक्ष मुर्तुजा मिया, सदस्य अरबिन्द दिबेद्वी,अवध कुमार ओझा,छोटेलाल राम,गोपाल भट्टराई लगायतको उपस्थिती रहेको थियो।
