back to top
23.1 C
Kathmandu
Sunday, April 6, 2025

सिन्धुपाल्चोकको तातोपानी नाकामा एक भारतीय शंकास्पद अवस्थामा मृत फेला परे

भारतको मङसुपुर बैंग्लोरका ४० वर्षीय विवेक गुप्ता नेपाल चीन जोड्ने सीमामा मृत फेला परेका हुन् । गुप्ताको केही दिनअघि भोटेकोशी गाउँपालिका–२ घट्टेखोला पुरानो ट्रक पार्किङस्थित भोटेकोशी बगरमा गुप्ताको शव फेला परेको थियो । मृत फेला परेका टाउकोमा टुटुल्को, हातमा डोरी बाँधिएको डाम र शरीरभरी चोटपटक देखिएको छ । उनको हत्या गरिएको हुनसक्ने प्रारम्भिक अनुमान गरिएको सिन्धुपाल्चोक प्रहरीले जनाएको छ ।

प्रहरीका अनुसार गुप्ताको शव पोष्टमार्टमका लागि बाह्रबिसे नगर अस्पताल लगिएको छ । उनको मृत्युको कारण खुल्न सकेको छैन । घटनाको विषयमा थप अनुसन्धानका लागि ईलाका प्रहरी कोदारीबाट प्रहरी निरिक्षक संजिता श्रेष्ठको कमाण्डमा मुचुल्का सहितको अनुसन्धानको टोली घटनास्थलमा खटिएको छ ।

सम्बन्धित लेखहरू
- Advertisment -
0FansLike

लोकप्रिय