रामजी यादव ५माघ पर्सा# जसपा नेपाल, पर्साले आज २०८१ माघ ५ गते बलिदानी दिवस मनाएको छ !
महान मधेश जनविद्रोह तथा जन आन्दोलनका क्रममा आफ्नो ज्यानको आहुति दिने सम्पूर्ण ज्ञात अज्ञात वीर शहीदहरुप्रति जसपा नेपाल पर्साका अध्यक्ष रामनरेश यादवको नेतृत्वमा जनता समाजबादी पार्टी नेपालका नेता तथा कार्यकर्ताले शहिदहरु प्रति भावपूर्ण श्रद्धान्जली अर्पण गरेका हुन्।
मधेशी जन आन्दोलनका वीर सपूतहरुको शहादतको सम्झना र सम्मान स्वरूप माघ ५ गते मनाइने बलिदानी दिवस जनता समाजवादी पार्टी नेपाल, पर्साले प्रत्येक वर्ष बिभिन्न कार्यक्रमहरु गर्दै आएकोमा यस बर्ष पनि पर्सा जिल्लाका बिरगंज महानगरपालिकाको घन्टाघर शहिद स्मारक, तिलावे शहिद पार्क, पोखरिया नगरपालिका र पकाहामैनपुरमा अवस्थित वीर शहीदहरुको शालिकहरुमा माल्यार्पण गरि वीर शहीदहरुको सम्मान स्वरूप मौन धारण गरि विर सपूतहरुप्रति श्रद्धान्जली व्यक्त गरि आजको कार्यक्रम सम्पन्न भएको छ।
मधेशी जन बिद्रोह तथा जन आन्दोलनका शहीद प्रति आजको माल्यार्पण तथा सम्मान कार्यक्रममा जसपा नेपाल पर्साका अध्यक्ष रामनरेश यादव, केन्द्रीय सदस्य शशीकपुर मिया,अशोक टेमानी,फिरोज मसुर,रेखा शाह,ट्रेड यूनियन मधेश प्रदेश अध्यक्ष गोपी यादव ,प्रदेश सदस्य बृजमोहन तिवारी,शेख समीर,सचिव रितेश गुप्ता,सुधिर पाडें, महिला अध्यक्ष संगिता तिवारी,वडाध्यक्ष पशुराम चौरसिया,महबुब एलाही,अजय चौरसिया,सबको खातुन लगायतका नेता तथा कार्यकर्ताहरुको उपस्थित रहेको थियो
