back to top
15.1 C
Kathmandu
Saturday, April 5, 2025

अत्याधिक चिसो बढेसंगै पर्साका धेरैजसो पालिकाले अहिलेसम्म दाउरा बितरण गरेन

रामजी यादव, ४ माघ पर्सा# गत बर्ष पर्साका बिभिन्न पालिकाले जाडोयाममा दाउरा बितरण गरेपनि यसपालिको बढदो अत्याधिक चिसो हावा हुसु र कुहिरोले पर्साका जनजिवन प्रभाबित भएको छ।

धेरैजसो पालिकाले अहिले सम्म दाउरा बितरण गर्न सकेका छैन्न। पर्साको स्थानीय तह अन्तर्गतको १४ पालिका मध्ये बीरगंज महानगरपालिकाले मात्र दाउरा बितरण गरेको समाचार श्रोतको दाबी छ तर पर्साका बाँकी १३ वटा पालिकाहरु बढदो चिसो हावा हुसु र कुहिरोमा पनि अहिले सम्म दाउरा र ज्येष्ठ नागरिकको लागि कम्बल बितरण गर्न सकेका छैन।

पश्चिमको बायुको प्रकोपले गर्दा एक्कासी बढदो चिसोले जनजिवन कष्टकर भएको छ। अत्याधिक बढदो चिसोले गर्दा बालबालिका, बृद्ध बृद्धा,दीर्घरोगी,ज्येष्ठ नागरिक बढी प्रभावित भएका छन।यसपालीको बढदो चिसोका कारण पर्साका निजी तथा सामुदायीक बिधालयहरु धमाधम बन्द हुन थालेका छन्।

अत्याधिक चिसोमा माछा ,मासु र अण्डाको बिक्रीमा बृद्धि भएको छ। यसपालिको जाडोयाममा कहिलेकाही घाम लाग्ने र एक्कासी चिसो बढने भएकोले खानामा बढी ध्यान दिन र झोल खानेकुरा खान चिकित्सकको सल्लाह रहेको छ।

सम्बन्धित लेखहरू
- Advertisment -
0FansLike

लोकप्रिय