आज सुनको भाउ ह्वातै घटेको छ । सुनको मूल्य तोलामै ४ हजार रुपियाँ र चाँदीको मूल्य प्रतितोला ५५ रुपियाँ घटेको छ ।
नेपाल सुनचाँदी व्यवसायी महासंघका अनुसार सुनको मूल्य प्रतितोला १ लाख ६४ हजार ५ सय रुपियाँमा कारोबार भईरहेको छ।
त्यस्तै आज चाँदी प्रतितोला १ हजार ९ सय ६० रुपियाँमा कारोबार भइरहेको महासंघले जनाएको छ ।
अन्तराष्ट्रिय बजारमा सुनचाँदीको मूल्यमा भारी गिरावट आएसँगै त्यसैको असर नेपालमा पनि देखिएको छ । अमेरिकामा डोनाल्ड ट्रम्प राष्ट्रपतिमा निर्वाचित भएसँगै सुनको मूल्यमा गिरावट आएको देखिएको छ ।
यसअघि नेपालमा सुनको मूल्य तोलाको १ लाख ७१ हजारसम्म पुगेको थियो ।
